Teri Kami Hai

Phir Se Hansa Hai,

Chhut Kar, Dil Udane Ko Chala Hai,

Laga Hai, Zinda Hun Phir Se Aaj,

Saanson Me Hai Raftaar, Par Dhadkane Thami Hai,

Teri Kami Hai...

Khwahishain Na Rahin Thi,

Par Phir Se Koi Khwab Aankhon Ne Buna Hai,

Laga Hai Paa Loon Kuch Naya Phir Se Aaj,

Chahere Par Hansi To Hai, Par Aankhon Me Kyon Ye Nami Hai,

Teri Kami Hai...

Kab Se Bhujhi Thi,

Aankhein Ab Meri Nayi Duniya Banane Chali Hai,

Laga Hai Saja Loon Ek Naya Aashiyan Phir Se Aaj,

Haan Khush To Hun Main, Par Koi To Gami Hai,

Teri Kami Hai…

Milenge  Milenge Hum,

Jate Jate Sada Teri Aankhein Ye Vada Deti Chali Hai,

Laga Ki Yun Hi Is Rah Par Mile Phir Se Aaj,

Usi Rah Par Yaha Khade, Hum To Humi Hai,

Teri Kami Hai…